ठाणे

कल्याण तालुक्यातील पिंपरी गावात जिझिया कर लागू ….  विशेष ग्रामसभेत गावकऱ्यांनी कर भरण्यास दिला नकार 

डोंबिवली :- कल्याण तालुक्तातील पिपंरी ग्रुप ग्रामपंचायतीच्या हद्दीतील गावात शासनाने लावलेल्या जिझिया लागू केल्याने गावकरी वैतागले आहेत.शुक्रवारी भरविलेल्या विशेष ग्राम सभेत करबाबतचा विषय आल्यावर गावकऱ्यांनी वाढीव कर भरण्यास एकमताने विरोध केला. यावर ग्रामसेवक तुषार तुषार पाटील यांनी सदर प्रस्ताव शास्नानाकडे पाठविला जाईल असे सभेत सांगितले. या सभेत ४ कोटी ८ लाख रुपयांचे मूळ अंदाजपत्रका सादर करण्यात आले.

    या विशेष सभेत सपना येंदारकरउपसरपंच फिनोद पाटील, माजीसरपंच माधव जाधव यांसह ग्रामपंचायत सदस्य आणि गावकरी उपस्थित होते.  पिंपरी खोतबंगला ठाकूर पाडाकर्म नगरी येथील ग्रामस्थांना शहरातील रेडी रेकनरप्रमाणे कर आकारणी करण्याचा  महसूल खात्याने घेतलेल्या निर्णयामुळे  येथील ग्रामस्थ हवालदिल झाले आहेत. या ग्रामस्थांनी ग्रामसभेत याला कडाडून विरोध करीत कर न भरण्याचा निर्णय घेतला.या सभेत  ग्रामसभेला ग्रामस्थानी प्रचंड गर्दी केली होती. सभेत मूळ अंदाजपत्रक ग्रामसेवक पाटील यांनी सादर केले. कराच्या विषयास सुरुवात करताच ग्रामस्थानी आम्ही कर भरणार नाहीअसे ठणकावून सांगितले. २०१५ साली शासनाने अधिसूचने द्वारे पिंपरी खोतबंगला ठाकूर पाडाकर्म नगरी येथील विविध करात कर वाढ केली.अत्यंत जाचक कर वाढ केल्याने गेली चार वर्ष या गावातील ग्रामस्थानी कर भरणे बंद केले आहे.या गावात साडेपाचशे घरे असून सतराशे गोडाउन आहेत. नवी मुंबई कल्याण डोंबिवली शहरातील रेडी रेकनरप्रमाणे कर आकारणी महसूल विभागाकडून करण्यात आली आहे. या विरोधात संघर्ष सुरु असून खा. डाँ श्रीकांत शिंदे यांच्या कडे महसूल खात्याच्या अन्यायाबाबत  तक्रार केल्याचे सरपंच सपना येंदारकर यांनी सांगितले. वाढीव कर आकारणीबाबत जिल्हा परिषद मुख्याधिकारी यांना याबात निवेदन देण्यात आले आहे.साधारणतः कर आकारणी ही तीस टक्के अपेक्षित असताना ती शंभर टक्के केल्याने इथल्या घर मालकांचे कंबरडे मोडले आहे.काही घरमालकांनी त्याच़ी  काही थकित रक्कम भरल्यानंतर भोगवटादार म्हणुन सात बारावर त्याच्या नावाची नोंद केली जात नाही.या गावात व छोट्या वाड्यात गरीब  लोक राहत असून त्यांना पाच पट कर आकारणी करण्यात आली आल्यामुले ग्राम हवालदिल झाले आहेत.इतकीमोठी रक्कम भरायची कोठुन असा सवाल ग्रामस्थ करित असून शासनाच्या जिझिया कराविरोधात कडाडून विरोध करण्याचा निर्णय घेतला आहे.या गावातून दिड ते पावणेदोन कोटी विविध करांची थकबाकी आहे.याबाबत नोटिसा देण्यात आल्या आहेत. या करवाढीस ग्रामस्थांचा विरोध आहे. त्याबाबतचख प्रस्ताव शासनाटडे लवकरच पाठवला जाईल असे ग्रामसेवक पाटील यांनी सांगितले.

YouTube Subscriber

E-Paper

Advertisements

महाराष्ट्र

Advertisements

Advertisements

कोकण

error: Content is protected !!