कल्याण-डोंबिवलीत  काँग्रेसचा जल्लोष

इंदिरा गांधी चौकात काँग्रेसचे प्रदेश प्रतिनिधी संतोष केणे, प्रदेश प्रतिनिधी तथा माजी नगरसेवक नवीन सिंग यांच्या नेतृत्वाखाली माजी नगरसेविका रत्नप्रभा म्हात्रे, नंदू म्हात्रे, जितेंद्र भोईर, एकनाथ म्हात्रे, हर्षद पुरोहित, राधिका गुप्ते आदी पदाधिकारी आणि कार्यकर्त्यांनी फटाक्यांची आतषबाजी आणि घोषणाबाजी करून परिसर दणाणून सोडला.११डिसेंबर रोजी एक वर्षापूर्वी काँग्रेस अध्यक्ष राहुल गांधी यांनी अध्यक्ष पदाची शपथ घेतली होती.त्यांची शपथ संजीवनी ठरली आहे.राहूल गांधी यांनी जी मेहनत घेतली त्यामुळे तीन राज्यात सत्ता आली .मोदी सरकार कडून ज्या आश्वासनांची पुर्तता हवी होती ती झाली नाही, असे काँग्रेस प्रदेश प्रतिनिधी  तथा माजी नगरसेवक नवीन सिंग यांनी यावेळी म्हणाले. तर कल्याणमध्ये प्रदेश कमीटीचे सचिव आणि तमिळनाडूचे प्रभारी संजय दत्त यांच्या मार्गदर्शनाखाली कल्याण शहर जिल्हा काॅग्रेस कमीटीने विजयाचा जल्लोष साजरा केला. या प्रसंगी कल्याण-डोंबिवलीचे जिल्हाध्यक्ष सचिन पोटे, सुरेंन्द्र आढाव, जिल्हाध्यक्षा कांचन कुलकर्णी व युवक काँग्रेसचे जिल्हाध्यक्ष राहुल काटकर आणि कार्यकर्त्यांनी पेढे वाटून उत्साह साजरा केला.