युरोपमध्ये होणार्‍या जागतिक पॉवर लिफ्टिंग स्पर्धेत बदलापूरचे संजय दाभोळकर यांची निवड

यापूर्वी नाशिक येथे झालेल्या 82.5 किलो वजनी गटात त्यांनी 120 किलो वजन उचलून ‘महाराष्ट्र टायटल’ हा किताब पटकवला होता. एप्रिल 2017 मध्ये थायलंड, पटाया येथे झालेल्या आंतरराष्टलीय पॉवरलिफ्टींग स्पर्धेतही त्यांनी भारताला सुवर्णपदक मिळवून दिले आहे. तसेच वीर हनुमान क्रीडा सांस्कृतिक युवा जन संघातर्फे कर्नाटक राज्यातील हॉस्पेट (जिल्हा बेल्लारी) याठिकाणी या स्पर्धा आयोजित केल्या होत्या. सबज्युनिअर, ज्युनिअर, वरिष्ठ आणि मास्टर स्त्री आणि पुरुष अशा वेगवेगळया गटांमध्ये 18 संघ आणि 300 स्पर्धकांनी यामध्ये भाग घेतला होता. दाभोळकर यांनी 82.5 किलो वजनी गटात मास्टर -2 मध्ये 50 वर्षांवरील स्पर्धेत देशभरातून प्रथम क्रमांक मिळवला. द्वितीय क्रमांकही महाराष्ट्राच्या स्पर्धकाने तर तृतीय क्रमांक कर्नाटकाच्या संघाने पटकविला. तसेच दाभोळकर यांनी मध्यप्रदेश, हिमाचल प्रदेश, राजस्थान, पंजाब, दिल्ली व गुजरात आदी राज्यांतील विविध राष्ट्रीय स्पर्धांमध्ये महाराष्ट्राचे प्रतिनिधीत्व करीत अव्वल कामगिरी केली आहे. ठाण्यातील सुपरमॅक्स पर्सनल केअर प्रा. लि. कंपनीत ते कार्यरत असून स्पर्धेसाठी त्यांना महाराष्ट्र राष्ट्रीय कामगार संघटना (इंटक) चे अध्यक्ष सचिन अहिर, सरचिटणीस गोविंद मोहिते आणि कंपनीतील प्लांन्ट व्यवस्थापक उदय देसाई व श्री. शेख साहेब आदींचे विशेष सहकार्य लाभल्याचे त्यांनी सांगितले.
दरम्यान, संजय दाभोळकर यांनी एबी फिटनेसच्या माध्यमातून बदलापूर-उल्हासनगर येथे रतन हेल्थ क्लबमध्ये पॉवर लिफ्टिंगचे क्लासेस सुरू केले आहेत. या क्लासमधील सात विद्यार्थ्यांचीही निवड भारतीय संघातर्फे करण्यात येत आहे. यामध्ये अजय संभाजी पवार, कुंदन कुमार मोरे, योगेश मखिजा, दिपक दिक्षित, लिना दिक्षित, अमित जगदीश मोटवानी, वर्षा रामटेके आदी विद्यार्थ्यांचा समावेश आ