मनोरंजन

अमृता खानविलकर, राकेश बापट, दिप्ती श्रीकांत रंगले डोंबिवली रासरंगच्या रंगात

डोंबिवली :-  खा. डॉ. श्रीकांत शिंदे फाउंडेशन आयोजित डोंबिवली रासरंग दांडियाचा फीवर आता टिपेला पोहोचला असून रविवारी प्रख्यात अभिनेत्री अमृता खानविलकरदिप्ती श्रीकांतअभिनेता राकेश बापट आदी नामांकित कलाकार डोंबिवलीकरांच्या भेटीला आले होते. हजारो डोंबिवलीकरांसह रासरंगच्या रंगात रंगत त्यांनी गरबा आणि दांडियाचा मनसोक्त आनंद लुटला. प्रख्यात मिमिक्री आर्टिस्ट डॉ. संकेत भोसले यांनीही उपस्थितांशी संवाद साधत धमाल उडवून दिली.

डोंबिवली रासरंगने सलग दुसऱ्या वर्षी तरुणाईचा ताबा घेतला असून दररोज हजारोंच्या संख्येने तरुण-तरुणी डोंबिवली (पूर्व) येथील डीएनसी मैदानावर सुरू असलेल्या या जल्लोषात सहभागी होत आहेत. दांडियाच्या या जल्लोषासोबतच सामाजिक भान जपण्याचे कामही खा.डॉ. श्रीकांत शिंदे करत असून  नऊ कर्तृत्ववान महिलांना नवदुर्गा पुरस्काराने गौरवण्यात येत आहे. दररोज दोन महिलांचा नवदुर्गा पुरस्काराने सन्मान करण्यात येत असून सिमरत गायकवाड (राष्ट्रीय कबड्डीपटू)अनिता दळवी (संचालिका,अस्तित्व मतिमंद मुलांची शाळा)डॉ. किशोरी भगत (शिक्षणतज्ज्ञ)डॉ. विंदा भुस्कुटेरिताबेन शहा (प्राचार्या)मारसिलिंग काब्राल (प्राचार्या)लीना ओक-मॅथ्यू (एशियन ज्युडो खेळाडू)प्रेरणा कोल्हे (शिक्षणतज्ज्ञ)श्रुती कानडे (एमपीएससी द्वितीय क्रमांकाने उत्तीर्ण) या यंदाच्या नवदुर्गा पुरस्काराच्या मानकरी आहेत.

गतवर्षी प्रथमच आयोजित ‘डोंबिवली रासरंगला डोंबिवलीकरांप्रमाणेच ठाण्यापासून अंबरनाथपर्यंतच्या तब्बल एक लाखांहून अधिक लोकांनी भेट दिली होती. यंदाही जल्लोषात या उपक्रमाचे आयोजन करण्यात आले असून दांडिया फेम मनीषा सावला यांची धम्माल गाणी आणि बिपिनचंद्र चुनावाला यांच्यासह पार्थ गांधीसिद्धेश जाधववाचा बिपिन आदींच्या गाण्यांच्या तालावर नवरात्रीचे नऊ दिवस उत्साहपूर्ण वातावरणात डोंबिवलीकर थिरकणार आहेत.

गरबा आणि दांडियासोबतच रविवारी अस्सल मराठमोळ्या भोंडल्याचेही आयोजन करण्यात आले होते. प्रख्यात अभिनेत्री दिप्ती श्रीकांत ही देखील या भोंडल्यात सहभागी झाली होती. पारंपरिक वेशभूषेत आणि मराठमोळ्या साजशृंगारासह अतिशय उत्साहाने डोंबिवलीकर महिला मोठ्या प्रमाणावर या भोंडल्यात सहभागी झाल्या होत्या. पालकमंत्री एकनाथ शिंदे यांच्या मार्गदर्शनाखाली होणाऱ्या या उपक्रमाला जिल्हाप्रमुख गोपाळ लांडगे,उपजिल्हाप्रमुख सदानंद थरवळआमदार सुभाष भोईरमहापौर विनिता राणे,डोंबिवली शहरप्रमुख राजेश मोरेज्येष्ठ नगरसेवक विश्वनाथ राणेरमेश म्हात्रेदीपेश म्हात्रेमहिला संघटक कविता गावंड,किरण मोंडकर, तालुकाप्रमुख एकनाथ पाटील,प्रकाश म्हात्रेभाऊसाहेब चौधरी आदींचे सहकार्य लाभले आहे.

YouTube Subscriber

E-Paper

Advertisements

Advertisements

Advertisements

error: Content is protected !!